अहिराजको मुद्दामा जिल्लाकै सदर
काठमाडौँ । उच्च अदालत पाटनले मधेश प्रदेश सरकारका पूर्वप्रदेश प्रमुख राजेझ झा (राजेश अहिराज) लाई पुर्पपक्षका लागि थुनामा पठाउने जिल्ला अदालत काठमाडौँको आदेश सदर गरेको छ ।
मुख्यन्यायाधीश लालबहादुर कुँवर र न्यायाधीश खडानन्द तिवारीको इजलासले बिहीवार थुनामा पठाउने जिल्लाकै आदेशलाई सदर गरेको उच्च अदालत पाटनका रजिस्ट्रार श्रीलाल पौडेलले जानकारी दिए ।
झाविरुद्ध एक महिलाले २०८१ जेठ ४ गते आफ्नै डेरामा बलात्कार गरेको आरोपमा परेको मुद्दामा जिल्ला अदालत काठमाडौँले पुर्पक्षका लागि थुनामा पठाउने आदेश दिएको थियो । जिल्लाले काठमाडौँको न्यायाधीश पिताम्बर शर्माको इजलासले गत साउन १४ गते थुनामा पठाउने आदेश गरेको थियो । अदालतको आदेशसँगै झालाई पुर्पक्षका लागि डिल्लीबजार कारागारमा राखिएको छ ।
जिल्ला अदालत काठमाडौँको उक्त आदेशविरुद्ध झाले उच्च अदालत पाटनमा निवेदन दिएका थिए । सोही निवेदनमाथिको सुनुवाइपछि जिल्लाकै सदर भएको हो । झालाई गत साउन ४ गते प्रहरी प्रतिवेदनका आधारमा सरकारी वकिलको कार्यालय काठमाडौँले काठमाडौँ जिल्ला अदालतमा मुद्दा दायर गरेको थियो ।
