केशव स्थापितलाई कार्वाही गर्न ४५ संघसंस्थाको माग (विज्ञप्ति सहित)
![](https://nagarikmirror.com/wp-content/uploads/2022/04/Keshav-Shapit-_-MK.jpg)
काठमाडौं । नेकपा एमालेबाट काठमाडौं महानगरपालिको मेयर पदका उम्मेदवार केशव स्थापितले महिला हिंसा गरेको भन्दै उनीमाथि कारबाही गर्न महिला अधिकारको क्षेत्रमा क्रियाशिल ४५ वटा संघसंस्थाले माग गरेका छन् ।
सार्वजनिक कार्यक्रममा महिलालाई होच्याउने र चरित्र हत्या गर्ने अभिव्यक्ति दिएको भन्दै महिला पुनर्स्थापना केन्द्र (ओरेक), महिला मानव अधिकार रक्षकहरूको राष्ट्रिय सञ्जालसहित ४५ संघसंस्थाले कारबाही गर्न माग गर्दै संयुक्त वक्तव्य जारी गरेका हुुन् ।
काठमाडौंमा आयोजित एक कार्यक्रममा स्थापितले यौन दुराचारको आरोपबारे एक सहभागीले सोधेको प्रश्नको जवाफ दिने क्रममा ‘युर आर नाइस लेडी तर तपाईंको थुतुनो ठीक छैन’ भनेका थिए । यसका साथै उनले प्रश्नकर्तालाई ‘यो बहिनीले पनि वेश्यावृत्ति गर्छ भनेर म पनि छपाऊँ’ भनेका थिए ।
यस्तो अभिव्यक्ति दिनु आफैँमा लैंगिक हिंसा भएको उल्लेख गर्दै ४५ वटा संघसंस्थाहरूले स्थापितलाई कानुनी कारबाही गर्न सरकारसँग माग गरेका हुन् । महिला हिंसालाई प्रसय दिने व्यक्ति उम्मेदवार हुन लायक नहुने पनि वक्तव्यमा भनिएकाे छ । उनकाे उम्मेदवारी रद्द हुनुपर्ने माग पनि गरिएकाे छ ।
हेर्नुहाेस् विज्ञप्ति:
![](https://shilapatra.com/uploads/editor/2022-04-30/033202663279365946_681968083108283_8901477435004248454_n.jpg)
![](https://shilapatra.com/uploads/editor/2022-04-30/033208176279073187_566067771405999_6446433618559825740_n.jpg)
![](https://shilapatra.com/uploads/editor/2022-04-30/033213120279070615_565479848536796_4642644402887823956_n.jpg)
![](https://shilapatra.com/uploads/editor/2022-04-30/033217717279417255_402196971720947_7155224215580119175_n.jpg)