राजनीतिक दलप्रति व्यङ्ग्यात्मक भाइरल पोष्ट ‘जाडाे किन बड्याे ?’
सामाजिक सञ्जालमा एउटा पोष्ट निकै भाइरल बनिरहेको छ । देशका राजनीतिक दल र तीनका नेताहरू आ-आफ्नै तालमा छन्। जसलाई नागरिकसँग कुनै सरोकार छैन । राजनीतिक दल र स्वतन्त्र रुपले सेवा गर्छु भनेर मैदानमा आएकालाई लक्षित गरी व्यङ्ग्य गरिएको छ ।
जाडाे किन बड्याे ?
नेपाली राजनीतिक दलहरुकाे धारणा :
विदेशी हस्तक्षेप र दक्षिणपन्थी अवसरबाद गन्हाएकाले जाडो बढ्यो – माओवादी
घेरावन्दी गरेर जाडो बढाइयो – एमाले
हामीले प्रजातन्त्र नल्याएको भए जाडो अझै बढ्ने थ्यो – काँग्रेस
राजा नआएर जाडो बढेको हाम्रो बुझाइ छ – राप्रपा
केपी ओलिले गर्दा जाडो बढ्यो- नेकपा एस्
पुराना भ्रष्ट दलहरुले गर्दा जाडो बढेको छ – रास्वपा
उपेन्द्र यादवको स्वेच्छाचारीले जाडो बढ्यो – जनमत
मधेश आन्दोलनका घाइते र सहिदको अपमानले जाडो बढ्यो- जसपा
टिकापुरलाई अलग्गै जिल्ला नबनाएकोले जाडो बढेको भन्ने हामीले ठम्याएका छौ – नेउपा
जाडो बढेको निश्चय नै हो । के कारणले जाडो बढेको छ ? 72 को संविधान अधुरो भएकोले जाडो बढेको हुन सक्छ भन्ने हामीलाई लाइराछ – बाबुराम/नेसपा
गुइँठेहरूले तातो बनाउन नदिएर जाडो बढाए, हा थु – हर्क
सिंहदरबारमा आगो लाउन पाइएन र जाडो बढ्यो: बालेन
