बडादसैं सुरु, तस्वीरमा हेर्नुहोस् जनकपुरको दसैँ
जनकपुरधाम । हिन्दु धर्मावलम्बीहरूको महान चाड दसैं बिहीवारदेखि विद्यिवत रुपमा सुरु भएको छ ।
दसैं सुरु भए लगत्तै जनकपुरधामको शक्ति पीठहरूलाई बेहुँलीझै श्रृङ्गारिएको छ । चोक–चोकलाई झिलिमिलि बनाइएको छ ।
भिडभाड पनि उत्तिकै छ । शक्तिपीठमा विशेष पुजा गर्नेको घुईचो लागेको छ । नवरात्रिभरि यहाँ विशेष पुजा गर्ने चलन छ ।
राजा जानककी कुलदेवी राजदेवी मन्दिरलाई निकै आकर्षक ढंगले सजाइएको छ । जहाँ मानिसहरू अहिले सेल्फी लिन तछाडमछाड गरिरहेका छन् । स्वयंसेवकलाई भिड नियन्त्रण गर्न हम्मेहम्मे परेको छ ।
यस्तै, बौद्धिमाई मन्दिर, अमरखाना माई मन्दिर, सोनासति मन्दिरलगायत विभिन्न शक्तिपीठहरूलाई पनि सजाइएको छ ।
दसैं अवधिभर जनकपुरधाम उपमहानगर क्षेत्रको सुरक्षा व्यवस्था निकै कडा बनाइएको छ ।
अत्याधिक भिडभाड र पार्किङ अभावमा सडक पनि ठाउँ ठाउँमा जाम हुने गरेको छ ।
प्रतिक्रिया
