कोलकोत्ताले टस जित्यो, चेन्नईलाई ब्याटिङ्गको निम्तो
काठमाडौँ । इन्डियन प्रियिमर लिग (आईपीएल) क्रिकेट अन्तर्गत कोलकोत्ता नाइट राइडर्सले टस जितेको छ ।
चेन्नईको चेपकस्थित एमए चिदम्बरम क्रिकेट स्टेडियममा अबको केहीबेरमा सुरु हुने खेलमा कोलकोत्ताले टस जितेर चेन्नई सुपर किङ्ग्सलाई पहिला ब्याटिङ्ग गर्न निम्तो दिएको छ ।
आजको खेलमा दुबै टोली जितसहित अङ्क तालिकामा आफ्नो स्थान सुधार्न चाहन्छ ।
जारी सिजनमा कोलकोत्ताले हालसम्म खेलेको ५ खेलमा २ मा मात्रै जित निकालेको छ भने चेन्नईले ५ खेलमा १ मा मात्रै जित निकालेको छ ।
कोलकोत्ताको कप्तानी अजिंक्या रहाणेले गरिरहेका छन् भने चेन्नईको कप्तानी महेन्द्रसिंह धोनीले गर्नेछन् । चेन्नईका कप्तान ऋृतुराज गायक्वाड चोटका कारण लिगबाट बाहिरिएका छन् । त्यसकारण बाँकी खेलमा अब धोनीले नै चेन्नईको कप्तानी गर्नेछन् ।
प्रतिक्रिया
