प्रदेश नम्बर २ को नामका लागि गोप्य मतदान सुरु

जनकपुरधाम। प्रदेश नम्बर २ को नामका लागि गोप्य मतदान सुरु भएको छ । दोस्रो बैठक राखेर प्रदेशको नामाकरण गर्नेबारे मतदान सुरु भएको हो ।

यसअघि आजै प्रदेशको स्थायी राजधानीका लागि मतदान भएको थियो । पहिलो चरणको मतदानबाट प्रदेश सभाले स्थायी राजधानीमा जनकपुर चयन गरिसकेको छ ।

प्रदेश २ को राजधानी तथा नामाकरणसम्बन्धी अध्ययन विशेष समितिले प्रतिवेदनमार्फत विभिन्न नामहरु प्रस्ताव गरेको छ ।